Estrutura pregable con cuberta

Trátase dunha estrutura de cuberta con cerramento téxtil ou ríxido que pode repregarse ou estenderse rapidamente. Resulta adecuada para a cobertura de piscinas, pistas de pádel, parques infantís ou espazos para eventos, e en xeral para calquera outro espazo que necesite ser cuberto ou descuberto.

Áreas de coñecemento

  • Enxeñaría e arquitectura

Estado de protección da tecnoloxía

Patente con número ES 2627037. Data de concesión: 30/01/2018.

Patente dispoñible en: http://hdl.handle.net/2183/20987

Que buscamos?

Búscanse empresas interesadas na licenza desta tecnoloxía.

Escola Técnica Superior de Arquitectura

Descrición

A invención consiste nunha estrutura pregable composta a base de arcos ou pórticos que son portadores dunha cuberta téxtil ou ríxida. Os devanditos arcos ou pórticos poden escorregar por un carril de rodaxe no caso de estruturas grandes, ou sen carril, no caso de estruturas de tamaño máis reducido.

A solución permite cubrir e descubrir en poucos minutos recintos tales como piscinas, pistas deportivas, zonas infantís de xogo, espazos para a realización de eventos etc., de tal forma que poidan estar en uso con independencia das condicións climatolóxicas de cada momento.

Valores engadidos

Entre as vantaxes deste sistema poden citarse as seguintes:

  1. A rapidez de apertura e peche.
  2. A posibilidade de que o movemento da cuberta sexa manual ou
  3. O uso dun único carril de rodaxe, no caso de que fose
  4. A lixeireza da cuberta.
  5. A sinxeleza do seu funcionamento e a simplicidade dos compoñentes utilizados, o que reduce a posibilidade de fallo do
  6. E, por último, a estética do conxunto, que resulta moito máis atractiva e integradora que a das solucións existentes actualmente.

Aplicacións por sector

O seu uso preferente terá lugar no sector da construción e a enxeñaría civil. Non obstante, é posible empregar tamén esta tecnoloxía no ámbito da agricultura, onde se están a estender, cada vez máis, os invernadoiros tecnificados. O sistema de arcos con cuberta flexible e motorizada posibilita esta utilización como invernadoiro, capaz de cubrirse e descubrirse automaticamente mediante o control informatizado das condicións climatolóxicas en cada instante.

Agricultura e silvicultura
Construción e enxeñaría civil

Grupo de investigación

    • Grupo de Estruturas Arquitectónicas
    • (GEA)

Responsable

  • Javier Estévez Cimadevila
  • Juan Pérez Valcárcel
  • Isaac López César
  • Araceli López Rodríguez

Contacta con nós

Exportar PDF

Última actualización

2019-06-20