Nó autobloqueable para estruturas despregables
Trátase dun nó que admite a conexión de até catro barras. O nó permite o xiro de todas elas, até que atinxen unha posición en que este movemento queda bloqueado automaticamente.
Estado de protección da tecnoloxía
Patente con exame previo e número ES 2653648. Data de concesión: 08/08/2018.
Patente dispoñible en: http://hdl.handle.net/2183/21024
Que buscamos?
Búscanse empresas interesadas na licenza desta tecnoloxía.
Escola Técnica Superior de Arquitectura
Descrición
A invención consiste nun nó autobloqueable para estruturas despregables, que permite o movemento de xiro das barras conectadas mentres a estrutura se está a despregar. Cando as barras atinxen a posición de despregamento, o nó bloquea de forma automática o seu xiro para impedir que a estrutura volva encartarse. Así, non resulta necesaria a intervención manual en cada nó.
Valores engadidos
A principal vantaxe deste sistema radica en que o bloqueo automático evita a intervención humana en cada nó. Por outra parte, o bloqueo de cada unha das barras prodúcese con independencia do das demais barras conectadas ao nó. Este aspecto é fundamental para garantir o bloqueo de todas as barras, aínda que o seu despregamento non se produza ao unísono.
O desbloqueo realízase igualmente de forma moi sinxela, pois só se necesita desactivar mediante rotación un elemento elástico de retención.
Aplicacións por sector
O seu uso en arquitectura céntrase na área daquelas estruturas despregables e de rápida montaxe en que as barras deban realizar movementos de rotación durante o despregamento, pero os devanditos movementos teñan que quedar impedidos ao se despregar a estrutura completamente. No obstante, non se descarta o seu uso noutros campos, con calquera outro mecanismo que precise unha conexión autobloqueable entre bielas.
Grupo de investigación
-
- Grupo de Estruturas Arquitectónicas
- (GEA)
Responsable
- Juan Pérez Valcárcel
- Manuel Muñoz Vidal
- Isaac López César
- Félix Suárez Riestra
Contacta con nós
-
-
Oficina de Transferencia de Resultados de Investigación
Edificio de Servizos Centrais de Investigación
Campus de Elviña, s/n
15071 A Coruña
-
Oficina de Transferencia de Resultados de Investigación
Última actualización
2019-06-20