Na actualidade a tecnoloxía LiDAR (light detection and ranging) constitúe unha das fontes de información xeográfica máis importantes nunha ampla variedade de campos como a enxeñaría agroforestal, a arqueoloxía, a robótica ou os vehículos autónomos.

VGLiDAR é unha ferramenta web que permite a visualización de nubes de puntos de datos LiDAR de gran tamaño, de até 281 millóns de puntos, mediante resolución completa e procesamento no lado do cliente. Desde a páxina de entrada, composta por un mapa de imaxes por satélite, permítese solicitar datos LiDAR dunha zona seleccionada.

Na páxina de visualización móstrase a nube de puntos LiDAR correspondente á zona previamente escollida. Ademais, proporciónanse diferentes ferramentas de medición e procesado de puntos, tales como o cálculo de distancia, de áreas proxectadas ou da área real.

Páxina web: <https://pangea.udc.es/VGLiDAR>.