Esta ferramenta foi deseñada para informatizar diferentes escalas de avaliación co fin de poder rexistrar e obter información dixitalmente. Consta dun rexistro para garantir a confidencialidade dos datos dos usuarios, por medio dun nome e un contrasinal. Unha vez superada a validación, pódese acceder aos diferentes tests vinculados á aplicación e modificalos ou eliminalos.

A aplicación tamén conta con outro apartado onde se amosa unha lista dos usuarios rexistrados, a cuxos datos de interese e historial de todas as escalas realizadas se pode ter acceso. Ademais, Ardec-INTIC permite modificar, eliminar ou dar de alta usuarios. Así mesmo, é posible xestionar todos os datos almacenados e exportalos a Microsoft Excel para analizalos. Así, esta ferramenta permite obter os datos de tests validados e recoñecidos pola comunidade científica e profesional dunha maneira máis sinxela.