As escalas de fenda vertical son estruturas hidráulicas que permiten a migración dos peixes a través de obstáculos en ríos. A aplicación informática que creamos analiza a eficiencia do devandito tipo de estruturas de acordo con criterios hidrobiolóxicos. Trátase dunha ferramenta de deseño que relaciona as características hidrodinámicas das escalas de peixes de fenda vertical cos requisitos das distintas especies obxectivo. Así, os técnicos involucrados no seu deseño poden aplicar de forma sistemática criterios hidrobiolóxicos, que incorporan os resultados das investigacións máis recentes neste campo.

Tendo en conta a complexidade dos fenómenos hidráulicos e biolóxicos involucrados, non se pretende determinar un deseño de escala óptimo, senón que se busca establecer criterios de comparación obxectivos que incorporen aspectos tanto hidráulicos como biolóxicos.

Figura 1. Configuración xeométrica dos deseños tipo incluídos na aplicación.

Figura 2. Entrada de datos na aplicación.

Figura 3. Exemplo de saída da aplicación. O deseño considérase adecuado, xa que cumpre todos os criterios.