Desenvolvemento do Foro de Centros Históricos en Internet, que intercomunica experiencias de rehabilitación das cidades e vilas de Galicia. Posibilítase así un dobre diálogo, entre os entes rehabilitadores de cada lugar e entre os cidadáns e o correspondente ente local.

Para conseguir que esta formulación funcione foi necesario crear unha tecnoloxía de fácil manexo que permitise un dialogo visual, cun xestor de contidos con que se pode crear as fichas que cada oficina xera para lles explicar aos cidadáns e demais oficinas de rehabilitación o seu labor e as súas preocupacións. Os cidadáns opinan e comentan sobres fichas concretas nun apartado especificamente dedicado aos comentarios.

Este foro deseñouse tamén para dar a todos aqueles que estudan e traballan sobre os centros históricos (arquitectos, historiadores, sociólogos, urbanistas e xeógrafos) un espazo para discutir o pasado, presente e futuro dos devanditos espazos, e comparar criterios. Así mesmo os cidadáns benefícianse dunha maior capacidade de entendemento dos procesos de rehabilitación, o que lles permite opinar con maior coñecemento.