Estas metaxenotecas foron desenvolvidas inicialmente como unha ferramenta para descubrir novas encimas que fosen activas e estables a altas temperaturas, característica demandada pola industria. De aí que se tomasen as mostras para extraer o ADN en mananciais xeotermais. O cribado das metaxenotecas permite illar os xenes que codifican as encimas de interese, para así poder producilas a gran escala. Por procedementos similares tamén se poden descubrir xenes doutros tipos de péptidos, ademais de encimas, que sexan bioactivos ou recoñecibles por un anticorpo específico. As metaxenotecas permiten explotar xenes de microorganismos que non se poden cultivar no laboratorio.
No grupo, baixo demanda, habería disposición tanto a facer o cribado das metaxenotecas dispoñibles, como a construír novas metaxenotecas de xeito que a mostra de partida variase en función das características que se desexen na encima ou péptido en procura.

Outra información de interese

O grupo ten capacidade para construír, baixo demanda, metaxenotecas doutras mostras para o seu cribado funcional ou análise.

Esquema do illamento dunha encima partindo do cribado dunha metaxenoteca.