8 tecnoloxías atopadas

Análise de isótopos estables (C, N e O) en mostras vexetais ou animais, fósiles ou actuais, para o estudo da paleodieta, o ambiente ou as relacións tróficas.

Determinación de radionucleidos naturais e artificiais en todo tipo de mostras (solos, augas, aire, materiais de construción, alimentos etc).

O Laboratorio de Radioactividade Ambiental da UDC posúe o equipamento e o coñecemento das técnicas necesarias para determinar os parámetros radioactivos que establece o Real decreto 314/2016. Desta maneira, cóbrense as necesidades derivadas deste tipo de determinacións.

Determinación de gas radon en aire, auga e solo con equipos de medición en continuo (medidas de curta duración) e con detectores de trazas (medidas de longa duración).

Dispositivo baseado nunha cadea de bloques (blockchain) que permite a monitorización, a identificación, o posicionamento e o control dun dispositivo, equipamento ou produto.

Software e métodos para a extracción automática de información relevante (por exemplo, opinións sobre produtos, servizos etc.) a partir de textos escritos polos usuarios en redes sociais.

Modelo dual baseado na aprendizaxe máquina para a detección temperá de anomalías.

Sistema para a identificación, con microscopio de fluorescencia, de reordenacións no xenoma (recombinación) orixinadas por diferentes condicións. Emprega lévedos que expresan proteínas fluorescentes de diferente localización celular.