O uso deste procedemento está orientado á mellora do comportamento estrutural de forxados e vigas, no sentido de conseguir unha distribución máis favorable dos momentos flectores solicitantes e unha redución das deformacións relativas das diferentes secciones da peza. Resulta absolutamente novidoso, pois, malia as técnicas de tensado seren moi antigas, non existe ningunha tecnoloxía en que se realice de forma automática e cunha intensidade variable que dependa da magnitude da carga actuante. Ademais, fornece tres importantes vantaxes, que son as seguintes:

a) O tensado realízase de forma completamente automática, con só poñer en carga a estrutura.

b) A eficacia do sistema radica en que a súa actuación se produce sen ningún tipo de maquinaria ou procedemento adicional e sen a intervención de man de obra.

c) O tensado é de intensidade variable, segundo a magnitude das cargas actuantes. Canto maior sexa a carga que teña que soportar o elemento, maior será a forza de tensado introducida, co cal aumenta significativamente a eficacia do De igual maneira, se se reduce a carga actuante sobre o elemento, tamén se reduce de forma automática a forza de tensado.

Grazas a este procedemento auméntase significativamente o rendemento dos elementos estruturais, xa que permite salvar maiores luces e cargas con seccións resistentes menores. É dicir, posibilita un aproveitamento óptimo das propiedades mecánicas dos materiais, ao mellorar a eficiencia do comportamento conxunto.